Félag Íslendinga í Lúxembourg stóð fyrir hátíðarhöldum í Maartbesch í Berdorf í Lúxembourg. Tæplega 100 Íslendingar mættu og gerðu sér glaðan dag í fallegu umhverfi og dásamlegu sumarveðri. Safnaðarnefnd kirkjunnar sá um kaffisöluna að vanda og komu margir með kökur á kaffiborðið. Við þökkum öllum þeim kærlega sem lögðu hönd á plóginn við að gera daginn eins góðan og hann reyndist.
Berdorf er lítið þorp nálægt Müllertal en sá dalur og umhverfið þar í kring er eins og einn ævintýra heimur. Gönguleiðirnar á svæðinu eru með þeim fallegri sem gerast og stutt er í skemmtileg klifursvæði. Ef þú ert á ferðinni í Evrópu er tilvalið að stoppa við í Berdorf því þaðan er hægt að hefja margar af gönguleiðunum.
Comments