​Íslenski söfnuðurinn í Lúxembourg

Íslenska Kirkjan í Lúxemborg (Die Isländische Kirche in Við undirrituð Luxemburg) Association sans but lucratif 15, Am Hesselter, 6171 Godbrange, Luxemburg. Stofnskjal 1. SólveigStefansdóttir, 2. Iris Þorkelsdottir, 3. Bjargey Elíasdóttir, 4. Margret Rosa Johannesdóttir, 5. Hulda Gudny Valsdottir, Luxembourg 6. Gylfi Tryggvason, 7. Björg Gunnsteinsdóttir, erum góðgerðarsamtök, sem starfar samkvæmt lögum um góðgerðarsamtök frá 7. August 2023 sem og starfsreglum þeim sem hér koma fram. Starfsreglur Íslensku kirkjunnar í Lúxemborg Samþykktar á aukaaðalsafnaðarfundi 16. júní 2024 Kafli 1 - Nafn og aðsetur 1 1. gr. ASBL Félagið nefnist Die Isländische Kirche in Luxemburg. Íslenska Kirkjan í Lúxemborg er kristið samfélag Íslendinga sem búsettir eru í Lúxemborg og fjölskyldna þeirra, sem skráðir eru í Þjóðkirkju Íslands eða sem skráð hafa sig í söfnuðinn. Hann er skráður hjá Lúxemborgískum yfirvöldum sem Íslenska Kirkjan í Lúxemborg, The Icelandic Church in Luxembourg. Hún starfar ótímabundið. 2. gr. Íslenska kirkjan í Lúxemborg er tengd Íslensku Þjóðkirkjunni. Um hana gilda lúxembúrgísk lög um trúfélög nema annð sé tekið fram í reglum þessum. 3.gr. Lögheimili safnaðarins er í, Lúxemborg. Kafli 2 - Tilgangur Íslensku Kirkjunnar í Lúxemborg 1. gr. Tilgangur Íslensku Kirkjunnar í Lúxemborg er að efla kristið samfélag Íslendinga í Lúxemborg, hafa milligöngu um þjónustu prests, standa fyrir Guðsþjónustum og vera umgjörð utan um það kristna starf sem unnið er af hendi fyrir Íslendinga í Lúxemborg og nágrannalöndum. Íslenska Kirkjan í Lúxemborg er vettvangur sálgæslu, fermingarstarfs, fullorðinsfræðslu og annars þess sem talist getur kristið safnaðarstarf. 2. gr. Íslenska Kirkjan í Lúxemborg hefur náin félagsleg tengsl við Félag Íslendinga í Lúxemborg. Kafli 3 - Meðlimir, gjöld, skráning í félagið og úrsögn 1. gr. Fjöldi meðlima er ótakmarkaður en mega þó ekki vera færri en þrír. 2. gr. Meðlimir greiða ekki safnaðargjöld, en safnaðarnefndinni er heimilt að innheimta safnaðargjöld að hámarki 5 Evrur á ári. 3. gr. Til þess að gerast meðlimur í söfnuðinum, þarf að senda skriflega beiðni á safnaðarnefndina, eða fylla út þar til gert umsóknareyðublað, eða skrá sig á heimasíðu safnaðarins https://www.islenskakirkjan.com/, eða senda tölvupóst á formann safnaðarnefndar. Safnaðarnefnd tekur afstöðu til umsóknar innan mánaðar frá því að hún berst. Safnaðarnefnd er heimilt að hafna umsók. Íbúar utan Lúxemborg geta verið meðlimir í Íslensku Kirkjunni í Lúxemborg. 4. gr. Óski meðlimur eftir úrskráningu úr söfnuðinum þarf safnaðarnefndinni að berast skrifleg beiðni þar um og tekur úrskráningin gildi eigi síðar en frá og með 31. Desember það ár sem beiðnin berst. Kafli 4 – Stjórn safnaðarins - Safnaðarnefnd 1. gr. Stjórn safnaðarins, kölluð safnaðarnefnd, starfar undir forystu formanns safnaðarins í nánu samstarfi við prest sem saman eru í forsvari fyrir söfnuðinn gagnvart stjórnvöldum, stofnunum og einstaklingum. Hún hefur umsjón með eignum safnaðarins og fjárhag. 2. gr. Safnaðarnefndin annast rekstur og framkvæmdir á vegum safnaðarins og styður kirkjulegt starf í söfnuðinum ásamt presti. 3. gr. Stjórnarmenn eru kosnir á aðalsafaðarfundi til fjögurra ára í senn og skulu þeir koma úr röðum safnaðarmeðlima. Hægt er að endurkjósa fráfarandi stjórnarmeðlimi. Safnaðarnefnd skiptir með sér verkum á fyrsta fundi eftir aðalfund. Formaður, varaformaður eða ritari skulu boða til funda. Boða skal til fundar ef tveir eða fleiri stjórnarmenn óska eftir því. 4. gr. Stjórnarmenn eru að lágmarki þrír. Safnaðarnefnd er heimilt að kjósa nýja meðlimi í stjórnina utan aðalfundar ef þörf þykir. Nýr stjórnarmeðlimur situr sem fullgildur meðlimur stjórnar fram að næsta aðalfundi, en getur þá boðið sig fram til áframhaldandi setu. 5. gr. Safnaðarnefnd tekur mið af starfsreglum Íslensku Þjóðkirkjunnar um sóknarnefndir sem í gildi eru hverju sinni. Safnaðarnefnd starfar einnig eftir siðareglum sem hún setur sér. 6. gr. Safnaðarnefnd heldur reglulega, formlega fundi þar sem málefni safnaðarins eru til umræðu og ákvörðunar. Fundir eru ályktunarfærir ef 3 nefndarmanna sækja fundinn. Prestur skal að jafnaði sitja safnaðarnefndarfundi. 7. gr. Allir fundir safnaðarnefndar sem og aðrir safnaðarfundir skulu bókaðir og staðfestir af fundarmönnum. Þá skal safnaðarnefnd gæta þess að varðveita og skrá bréf, bækur og skjöl er snerta kirkjuna og starfsemi hennar. Um vörslu þessara gagna skal fara í samræmi við gildandi lög hverju sinni. 8.gr. Safnaðarnefnd getur skipað nefndir úr sínum hópi eða utan hans til að fjalla um einstök málefni. Slíkar nefndir starfa á ábyrgð og í umboði safnaðarnefndar sem setur þeim jafnframt verklagsreglur eða erindisbréf. 9.gr. Vilji safnaðarnefndarmaður segja sig úr safnaðarnefndinni þarf safnaðarnefndinni að berast skriflegt erindi frá nefndarmanninum. Má það hvort heldur sem er vera í formi bréfs eða tölvupósts til formanns, varaformanns eða gjaldkera. Ef safnaðarnefndin telur nefndarmann ekki lengur hæfan til starfa, vegna þess að hegðun hans skaðar safnaðarstarfið, sendir safnaðarnefndin nefndarmanni bréf þar sem nefndarmaður er áminntur. Ef nefndarmaður breytir ekki hegðun sinni, má nefndin víkja nefndarmanni úr safnaðarnefndinni. Skal það gert skriflega, með tölvupósti eða bréfi. Kafli 5 - Rekstur og fjármál. 1. gr. Safnaðarnefnd skal í samráði við prest gera fjárhagsáætlun fyrir hvert almanaksár og hafa þar m.a. hliðsjón af starfsáætlun prests, og annarra starfsmanna safnaðarins. Fjárhagsáætlunin skal lögð fram á aðalsafnaðarfundi til kynningar og afgreiðslu. Safnaðarnefnd, presti og öðrum prestum ber síðan að sinna verkefnum sínum og halda uppi starfsemi á grundvelli samþykktrar fjárhagsáætlunar. 2. gr. Safnaðarnefnd greiðir ferðakostnað samkvæmt aksturssamningi presta og kostnað vegna uppihalds samkvæmt reikningi og samkomulagi við prest. 3. gr. Safnaðarnefnd er óheimilt að efna til fjárskuldbindinga með persónulegum ábyrgðum einstaklinga. 4. gr. Safnaðarnefnd sér til þess að bókhald sé fært í samræmi við lög og notar samræmt reikningsform við uppsetningu ársreiknings, sem rekstrarskrifstofa þjóðkirkjunnar leggur til. 5. gr. Safnaðarnefnd sér til þess að ársreikningur safnaðarins sé gerður fyrir hvert almanaksár. Ársreikningurinn skal áritaður af safnaðarnefnd, endurskoðaður af kjörnum skoðunarmönnum eða endurskoðanda og lagður fram á aðalsafnaðarfundi til kynningar og afgreiðslu og síðan sendur rekstrarskrifstofu þjóðkirkjunnar. 6. gr. Óheimilt er að ráða til starfa einstakling, sem hlotið hefur refsidóm vegna brota á eftirtöldum lagabálkum: barnaverndarlögum, nr. 80/2002 almennum hegningarlögum, nr. 19/1940, þ.e.: kynferðisbrot skv. 22. kafla, önnur ofbeldisbrot skv. 23. kafla, þó einungis refsidóma síðustu fimm ár vegna brots skv. 217. gr. um minniháttar líkamsmeiðingar, brot gegn frjálsræði manna skv. 24. kafla fíkniefnabrot skv. 173. gr. a., lögum um ávana og fíkniefni, nr. 65/1974, þ.e. refsidóm síðustu fimm ár. Ofangreint ákvæði nær einnig til sjálfboðaliða sem starfa innan safnaðarins. Safnaðarnefnd skal óska eftir samþykki allra, sem sækjast eftir starfi, launuðu, sjálfboðnu eða í verktöku, til þess að fá aðgang að upplýsingum úr sakaskrá viðkomandi hvað varðar ofangreindar tegundir brota. Synji umsækjandi um heimild er óheimilt að ráða hann til starfa. Hafa ber hliðsjón af starfsreglum um djákna og organista við gerð ráðningarsamninga við þá og starfslýsinga, svo og samþykktum stefnumálum kirkjuþings sem varða starfssvið þeirra sérstaklega. 7. gr. Ef upp kemur ágreiningur innan safnaðarins eða ágreiningur um störf starfsmanna safnaðarins, sem ekki tekst að leysa þar á vettvangi, skal vísa málinu til prófasts í Reykjavíkurprófastsdæmi Vestra. 8. gr. Reikningsárið hefst 1. Janúar og lýkur 31. Desember ár hvert. Fyrsta reikningsárið eftir breytingu þessara laga hefst 16. Júní 2024 og lýkur 31. Desember 2024. 9. gr. Aðalsafnaðarfundur tekur ákvörðun um ráðstöfun ef hagnaður er á rekstrarárinu. Kafli 6 - Aðalsafnaðarfundur 1. gr. Aðalsafnaðarfundur fer með ákvörðunarvald safnaðarins í málum þeim sem undir fundinn heyra. 2. gr. Aðalsafnaðarfundur er vettvangur starfsskila og reiknisskila af hendi stjórnar safnaðarins og einstakra nefnda á vegum safnaðarins. Þar skulu rædd málefni safnaðarins, þar á meðal þau mál sem lögmælt er að undir fundinn séu borin. 3. gr. Aðalsafnaðarfund skal halda árlega að jafnaði fyrir lok apríl. Til aðalsafnaðarfundar skal boðað með minnst viku fyrirvara. Telst aðalsafnaðarfundur löglegur ef formaður, ritari og gjaldkeri eða að minnsta kosti þrír stjórnarmeðlimir eru mættir á fundinn. Heimilt er að halda aðalsafnaðarfund á netinu með fjarfundarbúnaði. 4. gr. Safnaðarnefnd í samstarfi við prest, boðar til aðalsafnaðarfundar með minnst viku fyrirvara og skal greina frá dagskrá fundarins í fundarboði. Fundinn skal auglýsa með þeim hætti sem venja er til um messuboð. Þar skal taka fyrir eftirfarandi: 1. Gera grein fyrir starfsemi og rekstri safnaðarins á liðnu starfsári. 2. Afgreiðslu reikninga safnaðar fyrir sl. ár, ásamt fjárhagsáætlun næsta árs. 3. Gera grein fyrir starfsemi héraðsnefndar og héraðsfundar hafi fulltrúi sótt fundinn. 4. Ákvörðun um meiriháttar framkvæmdir og framtíðarskuldbindingar ef við á. 5. Kosning tveggja skoðunarmanna eða endurskoðanda safnaðarins og varamanna þeirra til árs í senn. 6. Kosning safnaðarnefndar. 7. Kosning í aðrar nefndir, ráð og trúnaðarstörf. 8. Önnur mál. 5. gr. Tillögur til aðalsafnaðarfundar skulu berast safnaðarnefnd viku fyrir aðalfund. 6. gr. Kosningarétt og kjörgengi hafa allir meðlimir í söfnuðinum sem náð hafa 18 ára aldri. Kafli 7 - Prestur 1. gr. Prestur Íslenska safnaðarins í Lúxemborg er hirðir safnaðarins. Hann gegnir prests og predikunarembætti og þjónar söfnuðinum í samræmi við óskir safnaðarins og hefur til viðmiðunar starfsreglur Íslensku Þjóðkirkjunnar um Presta. 2. gr Þegar prestsemætti losnar leitar safnaðarnefndin að nýjum presti með því að auglýsa embættið eða með því að hafa beint samband við presta. Biskupi Íslands er tilkynnt um ráðningu prests. Kafli 8 - Breytingar á starfsreglum 1. gr. Breyting á samþykktum þessum öðlast gildi um leið og meirihluti aðalsafnaðarfundar hefur samþykkt þær. Breytingartillögur skulu vera aðgengilegar safnaðarmeðlimum eigi síðar en viku fyrir aðalsafnaðarfund. 2. gr. Ef söfnuðurinn hættir starfsemi sinni, renna eigur hans til Íslensku kirkjunnar í Evrópu. Upplausn safnaðarins fer eftir lúxembúrgískum lögum um ASBL.